Në moshën 79-vjeçare ka ndërruar jetë Frank Williams, njeriu që themeloi makinën e famshme të garave të Formula 1, Williams Racing, e cila ende edhe sot merr pjesë në gara. Ai mbante titullin Sir për rezultatet dhe famën që i dha makinës britanike ndër vite.
Frank Williams, prej vitit 1986 jetonte në një karrige me rrota, pas një aksidenti me makinë. Në vitin 1977 ai themeloi skuadrën Williams dhe deri në vitin 2021 ishte pjesë e këshillit administrativ të saj. Detyrë që më pas ia delegoi vajzës së tij Claire. Në shtator të vitit 2020, makina Williams ndërroi pronësi.
Nën drejtimin e tij, skuadra Williams ka fituar 9 tituj kampionë për konstruktorë, i fundit në vitin 1997 me Jacques Villeneuve (gjithashtu kampion për pilotë atë sezon). Ndërkohë që, 7 pilotë janë shpallur kampionë bote në Formula 1 teksa pilotonin makinën britanike.
It is with great sadness that on behalf of the Williams family, the team can confirm the death of Sir Frank Williams CBE, Founder and Former Team Principal of Williams Racing, at the age of 79.
— Williams Racing (@WilliamsRacing) November 28, 2021
