Skuadra e Barcelonës më në fund duket se do të shpëtojë nga Filipe Kutinjo. Braziliani erdhi me premisat e një ylli por asnjëherë nuk tregoi veten si të tillë në Kamp Nou pasi katalanasit shpenzuan 140 milionë euro për kartonin e tij.
Aston Vila është skuadra e cila është e gatshme të marrë lojtaarin dhe po diskutohen tani detajet për transferimin e tij në Angli, pasi edhe futbollisti është i gatshëm të kthehet në kampionatin ku bëri emër duke veshur fanellën e Liverpulit. Sipas “Mundo Deportivo”, palët janë në detajet e fundit dhe shumë shpejt do të finalizohet gjithçka.
Detaji që mungon është klauzola e blerjes ë kartonit të lojtarit në fund të këtij sezoni, me Aston Vilën që nuk e dëshiron një gjë të tillë por thjesht huazim për momentin. Por Barcelona mund të pranojë edhe kështu, vetëm që të shpëtojë nga rroga e tij, pasi do t’i mundësojë të regjistrojë Ferran Torres
