Emri i Elseid Hysajt ka qenë ndër më të lakuarit në javët e fundit në mediat italiane pasi është diskutuar se lojtari është i pakënaqur nga mosaktivizimi te Napolit dhe dëshiron të largohet.
Ky ka qenë qëndrimi i menaxherit të tij i cili e ka shprehur publikisht, ndaj ishte e natyrshme që pas ndeshjes së parë zyrtare të vitit, trajneri Karlo Ançeloti të pyetej rreth kësaj teme.
Trajneri ka pranuar se ka pasur një takim me lojtarin dhe e ka mbrojtur atë nga kritikat pjesërisht, duke pranuar se kishte bërë gabime me Sasuolon.
Gjithsesi, ai konfirmoi se Hysaj dëshironte të vazhdonte si pjesë e Napolit dhe jo të largohej.
“Hysaj ka bërë një ndeshje të mirë, me ndonjë gabim dhe ndonjë gjë të mirë njëkohësisht.
Çështja Hysaj është menaxhuar qartësisht, kishte një mbledhje mes palëve, ai dëshironte që të rrijë me.
Ne e vlerësojmë, por pastaj në një sezon ka luhatje të vazhdueshme.
Ai dhe menaxheri i tij mendoj se janë shumë të lumtur”, tha trajneri i Napolit.
