Kameruni do të përballet ditën e nesërme me Guinea-Bisaun në takimin e vlefshëm për Grupin F të Kupës së Afrikës, teksa një kontroll rutinë para kësaj sfide i ka shpëtuar jetën sulmuesit kamerunas, Joel Tagueu.
Pas kontrollit ka rezultuar se sulmuesi 25-vjeçar nuk mund të marrë pjesë në këtë aktivitet për shkak të problemeve të rënda shëndetësore.
Bëhet fjalë për probleme kardiake, teksa sipas mjekëve, ekzistonte mundësia që futbollisti i Maritimos të vdiste në fushë.
Sulmuesi u aktivizua 28 minuta në përballjen miqësore ndaj Malit në datën 14 qershor.
I çuditshëm është fakti se problemi i rëndë shëndetësor nuk ishte përcaktuar më herët, teksa sulmuesi është ndaluar kategorikisht që të aktivizohet.
Nuk dihet nëse Tagueu do të mund të luajë më futboll.
