Italia do të luajë dy ndeshje aspak të lehta për kualifikueset e “Europianit 2020” me Armeninë dhe Finlandën.Roberto Mançini publikoi listën me futbollistët e grumbulluar, ku bie në sy mungesa e dy talenteve Kin dhe Zaniolo.
Të dy këta lojtarë kanë pasur probleme me sjelljen dhe Mançini zbulon faktin përse i ka lënë jashtë duke folur para mediave.
“Do më bëjnë të ndihem rehat për sulmin dhe nuk më pëlqen t’i lë jashtë për dënime, por kjo gjë iu bën mirë dhe i mëson për të ardhhmen. E meritojnë të jenë me ne, por ku të mësojnë do të jenë të pranishëm me grupin. Nuk bëhesh kampion me 5 ndeshje. Duam ekip me cilësi brenda dhe jashtë fushe”, është shprehur Mançini.
Trajneri bën gjithashtu me dije se Kristante nuk ka rikuperuar dot dhe vendin e tij do ta zërë Tonali.
