Kur biletat për ndeshjet e radhës së Kombëtares kanë dalë në shitje, tifozët kanë zbuluar në sportele politikën imponuese të Federatës Shqiptare të Futbollit.
Shitja e kombinuar e biletave shkaktoi irritim mes tyre, pasi nuk mund të paguajnë për ta parë përballjen me Francën pa paguar edhe për atë me Andorrën.
Përveç kostove të shtuara, rreziku është që edhe pse shumë tribuna do të jenë të shitura, në realitet stadiumi “Elbasan Arena” të jetë i boshatisur.
Në një prononcim për “A2CNN”, tifozët u shfaqën shumë të revoltuar.
“Ishte kushtëzim i padrejtë”, thotë një nga tifozët.
“Kjo është skandaloze. Njeriu blen biletën e ndeshjes që do, nuk dua ta shikoj ndeshjen me Andorrën”, shprehet një tjetër.
“Për mua bileta nuk është diçka që duhet me patjetër, stadiumi me Andorrën do të jetë i boshatisur pavarësisht se janë blerë bileta”, deklarojë një tifoz tjetër.
