Patrick Cutrone ka dhënë një intervistë për “Milan TV” menjëherë sapo ka fituar çmimin “Giovane Calciatore”, që i jepet futbollistit të ri më të mirë. “Për mua është një kënaqësi e madh të fitoj këtë çmim dhe të shërbej si frymëzim për futbollistët e rinj. Shpresoj që të jem i rëndësishëm në të ardhmen, për t’i marrë gjithmonë këto lëvdata.” Milan do të luajë kundër SPAL në ndeshjen e ardhshme të Serie A dhe Cutrone nuk e nënvlerëson kundërshtarin: “Duhet të fitojmë me çdo kusht duke treguar mentalitetin e duhur. Paraqitjet tona pasqyrojnë mentalitetin që duhet të kemi deri në fund të sezonit. Ata janë një ekip që meritojnë respekt, sidomos në shtëpinë e tyre.”
Cutrone i jep merita trajnerit të ri të Milan, Gennaro Gattuso, për ecurinë që ka pasur skuadra kuqezi në kohët e fundit, që i jep mundësinë ta shohin me optimizëm pjesën e dytë të sezonit. “Gattuso ka ndihmon shumë. Si rrjedhojë e punës së tij skuadra është rritur ndjeshëm. Tani po bëjmë të pamundurën që në çdo ndeshje të tregojmë se jemi një skuadër e madhe që mund të luftojë për objektiva të rëndësishëm. Tani duam tre pikët në fushën e SPAL edhe pse nuk do të jetë aspak e lehtë. Shkojmë në këtë stadium për të fituar, por duhet të bëjmë shumë kujdes sepse ata janë gati të bëjnë gjithçka për të marrë pikët që i nevojiten për mbijetesë.”
