Interi po mendon të afrojë për sezonin e ardhshëm dy futbollistë të njohur të Belgjikës pa shpenzuar asnjë para.
Sipas mediave italiane, sulmuesi i Napolit Dris Mertens dhe qendërmbrojtësi i Totenhemit Jan Vertonghen janë projektuar si dy futbollistët e ardhshëm të kampit zikaltër. Megjithëse është kthyer në formacionin titullar dhe vetë presidenti i Napolit Aurielio De Laurentis po bën të pamundurën të rinovojë kontratën me Mertensin, sulmuesi belg duket se e ka ndarë mendjen për të mos vazhduar karrierë në “San Paolo”.
Në krahun tjetër, Vertonghen me shumë mundësi do të mbyllë këtë vit kapitullin 8-vjeçar te Totenhemi pasi drejtuesit e klubit anglez duan të investojnë te lojtarët e rinj. Vertonghen është përzgjedhur si zëvendësuesi i mundshëm i Diego Godinit, i cili mendohet se do të largohet në fund të sezonit nga Interi.
