Legjenda e Romës, Francesco Totti, e ka përshkruar ish-bashkëlojtarin e tij, Mohamed Salah, si njërin prej futbollistëve më të mirë në botë.
Salah u transferua nga Roma në Liverpool verën e kaluar për 50 milionë euro dhe është duke kaluar nëpër formë të jashtëzakonshme për “Të kuqtë”, duke shënuar 30 gola në vetëm 36 paraqitje, transmeton Express.
“Niveli në të cilin po luan ai momentalisht e bën atë njërin prej lojtarëve më të mirë në botë dhe mendoj se ai do të bëhet edhe më i mirë”, ka thënë Totti për uebsajtin zyrtar të Liverpoolit.
