Agjenti i Erling Haland, Mino Raiola prej disa ditësh ka ndërmarrë një tur takimesh me presidentët e ekipeve të interesuara për sulmuesin norvegjez, për të zgjedhur më pas skuadrën e duhur për 20 vjeçarin.
Në Spanjë janë hapur zëra se Raiola kërkon 40 milion euro komision për transferimin e shtatlartit norvegjez, gjë e cila është hedhur poshtë nga vet agjenti. Në rrjetin social “Twitter”, Raiola ka shpërndarë një titull të një gazete spanjolle e cila akuzon agjentin për komision e lartë të kërkuar, me këtë të fundit i cili i ka bashkangjitur mbishkrimin “Lajmet e rreme përhapen shpejt dhe shkojnë larg”. E ardhmja e Haland për momentin është e paqartë, dhe sipas mediave të huaja në ditët në vazhdim do të merret vesh çdo gjë.
Fake news travel quick and far 🚀 pic.twitter.com/Iifm9JjzM5
— Mino Raiola (@MinoRaiola) April 4, 2021
