Diego Lopez, ish-portier edhe i Milan-it, nuk ka ndërmend të tërhiqet. Përkundrazi.
Sipas Sport, ai do ta vazhdojë aventurën e tij në portë edhe në moshën 40 vjeç. Nga sa mësoht, në fakt, duket se është aktivizuar klauzola e kontratës së tij për rinovimin automatik me Espanyol në fundin e këtij sezonit.
Portieri, i cili do të mbushë 40 vjeç në nëntor, do të qëndrojë edhe vitin e ardhshëm në Barcelona për sezonin e gjashtë me Espanyol, që aktualisht luan në Segunda Division dhe pritet të kthehet në La Liga sezonin e ardhshëm.
Diego Lopez ka qenë titullar edhe në fitoren e fundit 4-0 të skuadrës së tij kundër Las Palmas. Jo keq për ish-lojtarin e Milan-it, i cili ka luajtur të gjitha ndeshjet me klubin duke siguruar rinovimin automatik.
Në 36 ndeshjet e luajtura në kampionat, ai ka pësuar 23 gola.
