Teo Hernadez cilësohet si futbollisti më i mirë që ka Milani aktualisht, madje për disa është dhe më i miri në botë momentalisht në rolin e tij.
Por normalisht mbi Teon nuk mund të mos qëndrojë dhe vëmendja e klubeve të mëdha, të cilat shohin te 23 vjeçari një të ardhme të sigurt.
Sipas asaj që raporton gazeta gjermane ‘’Bild’’, PSG-ja i ka vendosur një ofertë në pjatë Milanit për të siguruar shërbimet e anësorit francez, por përgjigja e kuqezinjve ka qenë negative.
Megjithatë nuk përjashtohet ndonjë ofertë e dytë e cila mund të kënaqte dhe shumë Milanin duke marrë parasysh dhe krizën financiare që ka kapluar futbollin, ndërkohë kuqezinjtë me një ofertë të maje do të siguronin dhe shërbimet e disa lojtarëve cilësore.
Nuk dihet ende se çdo të ndodhe me të ardhmen e Teos, por vera do të rezervojë një merkato të nxehtë për mbrojtësin anësor.
