Ish-sulmuesi i Partizanit, Theofilios Solomon, do të vazhdojë karrierën në Kroaci. Lajmi për rikthimin e 25-vjeçarit te skuadra e Istrës është konfirmuar nga vetë klubi nëpërmjet një postimi në faqen e “Instagramit”.
Solomon ka veshur më herët fanellën e këtij ekipi, në sezonin 2016-2017. Pas aventurës së shkurtër me Qadsian në Katar, nigeriani ka vendosur të rikthehet sërish në futbollin kroat për të kontribuar për Istrën, që sezonin e ardhshëm do të militojë sërish në Superligës teksa arriti të mbijetonte në fund. Gjatë sezonit 2016-2017, Solomon u aktivizua 33 ndeshje me kroatët e Istrës, duke shënuar 7 gola.
Vlen të theksohet fakti, se ditët e fundit u përfol për një rikthim të mundshëm te Partizani, por në fund 25-vjeçari zgjodhi Kroacinë.
