Glover Tekseira u shpall kampion bote në UFC pas fitores së arritur ndaj Jan Blaçoviç. Braziliani hyri në histori si luftëtari më i vjetër që ka fituar titullin kampion për herë të parë.
Ndeshja midis Tekseiras dhe Blaçoviç u zhvillua në Abu Dabi. Ajo zgjati vetëm dy raunde pasi Tekseira me një kapje bëri që kundërshtari i tij të dorëzohej. Tekseira ishte ndeshur për herë të fundit për titullin kampion përpara 7 vitesh.
Në përfundim të sfidës Tekseira u shpreh shumë i lumtur për këtë arritje historike.
“Kam 20 vite që e ëndërroj këtë moment. Nuk kam fjalë për ta përshkruar atë që po ndjej në këto momente. Kurrë mos u dorëzoni për ëndërrat tuaja. Nuk ka rëndësi se çfarë thonë njerëzit. Besoni në vetvete”.
42 vjeçari u shpall kampion për herë të parë në karrierë, duke hyrë në histori si luftëtari më i vjetër që ka fituar këtë çmim prestigjioz.
