Sezoni 2022 për skuadrën Ferrari do të nisë që këtë javë, në pistën e Fiorano. Edhe pse njëvendëshja e re e “kokëkuqes” ende nuk është zbuluar (më 17 shkurt), ka ardhur koha që pilotët të nisin të adaptohen me makinën dhe ritmin e garës pas dy muajsh pushim.
Të gjithë, pilotë, inxhinierë e mekanikë te Ferrarit do të jenë së bashku për 4 ditë në Fiorano, në pistën private të makinës italiane. Në pistë do të zbresin të dy pilotët titullarë, Charles Leclerc e Carlos Sainz si dhe piloti kolaudator Robert Schartzman.
Ata do të pilotojnë makinën SF21 të vitit të kaluar. Për herë të fundit ata kanë qenë në pistë në garën e Yas Marina, në Abu Dhabi, ku disa ditë më pas u bënë edhe disa teste me gomat e reja (me pilotin Schartzman).
