Robert Levandovski nuk arriti të udhëhiqte dot Poloninë dhe ishte thuajse inekzistent në fushën e lojës, ashtu si gjithë skuadra e tij edhe pse në fund iu gëzua kualifikimit për në fazën tjetër ku do të gjejë Francën.
I vetëdijshëm për ndeshjen e bërë nga ai dhe të tijtë, sulmuesi i Barcelonës pranoi superioritetin e rivalëve në përfundim.
“Nuk kemi bërë një ndeshje të mirë. Argjentina na ka dominuar nga fillimi deri në fund dhe e merituan të ishin ata që kalonin si të parët e grupit në fazën tjetër.
Ne duhet ta arkivojmë menjëherë këtë ndeshje dhe të mendojmë për sfidën e ardhshme, që e dimë që nuk do të jetë e lehtë”, u shpreh kapiteni polak.
