Marash Kumbulla pësoi një dëmtim të rëndë në sfidën kundër Milanit në prill të këtij viti, duke e lënë jashtë fushave për një kohë të gjatë, gjë që nuk i ka bërë mirë as Kombëtares shqiptare.
Gjithsesi duket se makthet për mbrojtësin shqiptar po marrin fund, me mediat në Itali që zbulojnë se 23-vjeçari është gati për t’u rikthyer muajin e ardhshëm. Ai do të jetë një ndihmë shtesë për Jose Mourinhon, i cili ka pasur jo pak probleme në prapavijë.
Gjithashtu, Kumbulla kërkon të bindë trajnerin Silvinjo, në mënyrë që ta grumbullojë në fazën përgatitore në mars, në mënyrë që të tregojë se do të jetë një forcë shtesë për Europianin, gjithmonë nëse Kombëtarja shqiptare arrin të kualifikohet në dy sfidat e radhës.
