Ylli i Monaco-s Thomas Lemar ka zbuluar se ai është i hapur për të gjitha ofertat që do të vijnë drejt tij këtë verë.
Arsenal bëri një ofertë për të që u refuzua nga klubi në ditën e fundit të merkatosë së verës së kaluar, por lojtari i Francës, i cili mund të luajë në disa pozicione të sulmit, vazhdon të përflitet për një transferim në Emirates.
Por edhe Liverpool është interesuar për talentin, ashtu si Manchester City, Altetico Madrid dhe Real Madrid që po monitorojnë situatën lojtarit me vlerë 100 milionë euro.
“Pendime? Mbase. Mbeta pak i zhgënjyer,” shprehet ai për Telefoot.
“Do të vazhdoj të punoj fortë në mënyrë që klubet e interesuara të rikthehen verën që vjen. Jam i hapur për çdo ofertë. Jam një lojtar futbolli, më pëlqen futbolli. Nuk mbyll asnjë derë.”
Lemar ishte një nga shënuesit e golave të Francës në humbjen 2-3 ndaj Kolumbisë të premten dhe pritet të luajë një rol të rëndësishëm në Kupën e Botës.
Këtë sezon Lemar ka gjetur rrjetën vetëm dy herë për Monaco-n në Ligue 1, teksa ka dhënë tetë asiste.