Udhëheqësi i aerodinamikës së skuderisë Williams, Dirk De Beer u largua nga skuadra pas një startimi zhgënjyes të sezonit të Formula 1.
Pas largimit të De Beer, i cili u bashkua nga Ferrari në fillim të vitit të kaluar, ky pozicion i është besuar Doug McKiernan.
McKiernan, i cili ka punuar për McLaren nga viti 1999 deri në vitin 2015, u bashkua me Williams në shkurt të këtij viti.
Williams ka zbuluar se një gabim në sistemin aerodinamik është përgjegjësi kryesor për mungesën e ritmit të makinës këtë vit.
Sipas tyre në momentin kur makina është në kthesë, gomat e përparme pengojnë qarkullimin e ajrit të synuar në pjesën e prapme të makinës dhe makina vuan një “tezgë” aerodinamike, duke i humbur makinës forcën për të arritur një shpejtësi të lartë.
Këtë sezon, Williams ka grumbulluar vetëm 9-të pikë në 6 garat e para të kampionatit.