Kanë përfunduar provat zyrtare të Çmimit të Madh të Francës, të vlefshme për garën e tetë sezonale të Formulës 1, ndërsa i pari do të niset sërish Lewis Hamilton.
Kampioni në fuqi i botës vendosi kohën më të shpejtë, duke lënë pas vetes shokun e skuadrës te Mercedes, Valteri Bottas, ndërsa i treti u rendit piloti i Ferrarit, Charles Leclerc.
Zhgënjeu në këto prova Sebastian Vettel, i cili arriti të regjistrojë vetëm kohën e shtatë më të mirë, një pozitë shumë e keqe për t’u nisur, pasi është e vështirë të tentojë fitoren.
Vlen të theksohet se të 7 garat paraardhëse janë fituar nga pilotët e Mercedes, Hamilton-Botas, ndërsa javën e kaluar në Kanada, i pari e mbylli garën Vettel, por një penalizim prej 5 sekondash ndaj gjermanit, bëri që fitorja t’i kalonte Hamilton.