Zhdukja e mistershme e Emiliano Salës ka tronditur mbarë opinionin sportive. Argjentinasi u bë blerja më e shtrenjtë në historinë e klubit të Kardifit javën e shkuar, por nuk arriti të debutonte kurrë me këtë skuadër.
Avioni me të cilin sulmuesi udhëtonte u zhduk në kanalin anglez që nga e hëna, ndërsa pas katër ditësh kërkime, sot policia vendosi t’i ndërpresë kërkimet për gjetjen e lojtarit dhe pilotit.
Tifozët e Kardifit ka ditë që lutën për lojtarin, ndërsa sot janë mbledhur pranë stadiumit, teksa kanë shpalosur një pankartë emocionuese ku shkruhej:
“Nuk të pamë kurrë duke luajtur, nuk të pamë kurrë duke shënuar, por Emiliano do të duam gjithmonë më shumë”.
