U luajtën gjashtë ndeshje në ligën më të fortë të basketbollit në botë, NBA. Ka fituar Golden State Warriors në rrugën për të siguruar një biletë për në “play-off”. Ka qenë mbrëmja e “luftëtarëve”, të cilët ia kanë dalë të triumfojnë në “Toyota Center”, edhe pse me vetëm dy pikë më shumë se vendësit e Houston Rockets. Rezultati përfundimtar është fiksuar në shifrat 106:104.
Perioda e parë dhe e tretë ishin vendimtare për fituesit. Basketbollisti më produktiv në këtë ndeshje ishte ai i Warriros, Klay Thompson, që realizoi 30 pikë. Me 27 pikë u ndal në këtë ndeshje DeMarcus Cousins.
Te Houston Rockets spikati i zakonshmi James Harden, që regjistroi “double-double”, falë 29 pikëve dhe 10 asistimeve. Pas këtij suksesi, Golden State mbetet lider i Konferencës Perëndimore, ndërsa Houston e shikon veten në vendin e katërt.
Më poshtë po ju njohim me rezultatet e plota të ndeshjeve dhe përmbledhjet video të tyre:
Houston Rockets – Golden State Warriors 104:106
Oklahoma – Brooklyn 108:96
Washington – Orlando 100:90
Atlanta – Memphis 132:111
Miami – Detroit 108:74
Phoenix – Utah 97:114
