Maqedonia e Veriut ka triumfuar me rezultatin 4-0 në miqësoren e zhvilluar ndaj Kazakistanit, një javë para startit të Europianit, ku skuadra Ballkanase do të marrë pjesë për herë të parë në histori në këtë kompeticion madhështor.
Në përballjen e sotme të zhvilluar në Shkup, përfaqësuesja e Angelovskit, dominoi totalisht, duke shënuar plot 4 herë në portën e kazakëve. Futbollisti me origjinë shqiptare, Ezgjan Alioski hapi serinë e golave në minutën e 35-të, teksa Triçkovski, Ristovski dhe Çurlinov, kompletuan “pokerin”.
Vlen të theksohet fakti se Maqedonia, sfidën e parë në kampionati Europian do e luaj më 13 qershor ndaj Austrisë në Bukuresht.
