Me rritjen e konkurrencës, në kampionatin shqiptarë është rritur ndjeshëm dhe vlera e futbollistëve duke e bërë Superioren një “supermarket” për disa nga ligat e futbollit në Europë.
Nëse i hedhim një sy tabelës së “Transfermarket” mbi lojtarët më të shtrenjtë të Superiore, shikohet që Teuta është një minierë ari.
Vendin e parë e zë sulmuesi i sapo bashkuar me durrsakët Pepi Georgiev i cili ka një vlerë prej 500 mijë eurosh. Në vend të dytë është një tjetër lojtar i “djemtë të detit” dhe golashënuesi i Superiore, Dejvi Bregu. Vlonjati ka një vlerë prej 450 mijë eurosh në tregun e transferimeve.
Vendin e tretë e zë qendërmbrojtësi i Vllaznisë, Mevlan Adili i cili ka një vlerë prej 375 mijë eurosh. Në listë ka vend dhe për emra si Lorenco Vila, Marsel Ismajlgeci e Jurgen Bardhi të cilët shihen si talente premtuese të Superiores.